राप्रपाले सरकारलाई दबाब दिन फागुन १५ गतेदेखि गर्ने राष्ट्रिय स्वाभिमान यात्राको औचित्य पनि थापाले पुष्टि गरेका छन् । पार्टीले १५ गते ताप्लेजुङ्गका सदरमुकामबाट मेची–महाकाली राष्ट्रिष्य स्वाभिमान यात्रा प्रारम्भ गरेको छ । थापाकाअनुसार हिन्दू राष्ट्रको पुनःस्थापना, राष्ट्रिय अखण्डताको रक्षा, भ्रष्टाचारको अन्त्य र रोजगारीका लागि दबाब दिने यात्राको मुख्य उद्देश्य रहेको छ । त्यसैगरी संघीयता कार्यान्वयन र चुनौति, धर्म निरपेक्षता, गणतन्त्र लगायतका विषयमा जनताको अभिमत बुझ्नका लागि पनि यात्रा गर्न लागिएको थापाले बताए । ताप्लेजुङबाट शुरु भउको यात्रा पाँचथर, इलाम हुँदै कञ्चनपुरसम्म पुग्ने र त्यहाँबाट फर्केर बुटवल, पाल्पा, स्याङ्जा, कास्की हुँदै काठमाडौं आएर समापन हुने छ ।
ताप्लेजुङबाट काठमाडौंसम्मको १५ दिने यात्राले दुई हजार ८ सय किमि दुरी तय गर्ने र यात्राका क्रममा हिन्दू, बौद्ध र किराँत धर्मलाई चिनाउने मन्दिर, चैत्य मस्जिद बनाइने छ । यात्राका क्रममा विभिन्न नदी तथा कुण्डका जल काठमाडौंमा आयोजना हुने कलशयात्रामा प्रयोग गरी पशुपतिनाथ मूतिमा अभिषेक गराइने, यात्राका क्रममा साना–ठूला १०० भन्दा बढी सभा हुने र सभालाई अध्यक्ष थापाले सम्बोधन गर्नेछन् । २२ बुँदे मागपत्रलाई सरकारले वेवास्ता गरेमा चैत्र १ गतेदेखि सबै स्थानीय निकायबाट विरोधका कार्यक्रम सुरु गरिने थापाले जानकारी दिए । उक्त विरोधलाई काठमाडौंसम्म विस्तार गर्ने थापाको भनाइ छ । थापाले केपी ओली नेतृत्वको सरकारले एक वर्षमा जनतालाई निराशा मात्रै दिएको आरोप पनि लगाए । पशुपतिशमशेर राणा र डा.प्रकाशचन्द्र लोहोनीबीचको एकताबारे थापाले गम्भीर प्रश्न उठाएका छन् । “पशुपतिशमशेर राणाले जवाफ दिनुपर्छ हामीसँग किन एकता गर्न चाहनुभएन ? किन प्रकाशचन्द्र लोहोनीसँग एकता गर्नुभयो ?” थापाले प्रश्न गरे । २ लाख भोट ल्याउने पार्टीलाई छोडेर २० हजार भोट भएको लोहोनीसँग राणाले एकता गर्नुको रहस्य गम्भीर हुनसक्ने थापाको भनाई थियो ।
Social Buttons