वास्तवमा जुनसुकै माइकलालले सुशासन र जनमुखी कुराका गफ लगाएर लोकतन्त्र र गणतन्त्रको वकालत गरेपनि गणतन्त्र स्थापनापछि त झनै बढी भ्रष्टाचार मौलाएको तथ्यलाई नकार्न सकिन्न । जो आम नेपाली जनताले देखे जानेकै कुरा हो । सुनकाण्ड, वाइडबडी प्रकरण यसका पछिल्ला उदाहरणहरु हुन् । यथार्थतामा गणतन्त्र स्थापना भएको भए भ्रष्टाचार र सुशान यसरी मौलाउने थिएन । र यतिका धेरै नेताहरु, जसले गणतन्त्र पुनस्र्थापना पछि सार्वजनिक पदमा बसेर अकुत सम्पत्ति कुम्ल्याएको अभियोग खेप्नुपर्ने थिएन । आफूलाई खुंखार प्रजातन्त्रवादी एवं जनवादी र सर्वहारावादी दावी गर्ने नेताहरुलाई यसरी भ्रष्टाचारको अभियोग लाग्नाले गणतान्त्रिक शासन पद्दतिकै बेइज्जत गरेको छ ।
विश्वभर भ्रष्टाचार विरुद्धको अभियानमा विगत लामो समयदेखि सक्रिय रहेको संस्था ट्रान्सपरेन्सी इन्टर नेशनलले पछिल्लो पटक सार्वजनिक गरेको अध्ययन प्रतिवेदनले राजाको शासन गरेका विश्वका अधिकांश मुलुकहरुमा भ्रष्टाचार कम हुने गरेको देखाएको छ । भ्रष्टाचार विरुद्धको अभियानमा सक्रिय एक अभियन्ता भन्छन् – “यसको महत्वपूर्ण उदाहरणको रुपमा हाम्रै दक्षिण एशियाली मुलुक भुटानलाई नै लिन सकिन्छ । किनकी भुटानमा भन्दा बढी नेपालमा भ्रष्टाचार हुने गरेको तथ्य उक्त प्रतिवेदनले समेत खुलस्त पारेको छ ।”
दक्षिण एसियाली राष्ट्रहरुमध्ये भ्रष्टाचारमा भुटान सबैभन्दा पछि छ भने अफगानिस्तान सबैभन्दा अगाडि छ । सर्वेक्षणको सूचाकंमा भुटानको १०० अंकमा ६४ अंक ल्याएको छ भने अफगानिस्तानले ८ अंक, नेपाल र पाकिस्तान चौथो र स्थानमा छन् । दक्षिण एसियाका अन्य मुलुकहरु श्रीलंका, भारत र बंगलादेशले भ्रष्टाचार बढी हुने मुलुकको सर्वेक्षणमा क्रमशः ४०, ३६ र २६ अंका ल्याएका छन् । यस हिसाबले हेर्दा त नेपाल र पाकिस्तान दक्षिण एसियाका चौथो नम्बरका भ्रष्ट मुलुक दरिएका छन् ।
Social Buttons