काठमाडौं । अख्तियार दुरुपयोग अनुसन्धान आयोगको क्रियाकलाप हेर्दा सानालाई ऐन र ठूलालाई चैनको स्मरण गराउँदछ । राजस्व अनुसन्धानका तत्कालिन महानिर्देशक चुडामणि शर्मा होस् कि नेपाल आयल निगमका पूर्व महाप्रबन्धक गोपाल खड्का नै किन नहोस् उनीहरुले गरेको अरबौं घोटाला सम्बन्धि आँखा चिम्म गर्ने अख्तियारले तीस हजार घुस लिएको नाममा इलाका प्रहरी कार्यालय मैनापोखर, बर्दियामा कार्यरत प्रहरी निरिक्षक गणेश सिंह महतालई विशेष अदालतमा मुद्दा दायर गरेको छ । यस्तै अख्तियारले विराटनगर नगरपालिकाका घरजग्गा सम्पत्ति कर शाखामा कार्यरत खरिदार तिलकमणि र कार्यलय सहयोगी बुधलाल शरदारविरुद्ध पनि विशेष अदालतमै मुद्दा दायर गरेर फुर्ति देखाएको छ । घर बहाल कर र सम्पत्ति कर बापत राजस्व मिलाएर रसिद काटिदिने भन्दै सेवाग्राहीसँग १३ हजार रुपैयाँ घुस मागेको अभियोग उनीहरुमाथि लगाइएको छ ।
नेपाल आयल निगमको अरबौको जग्गा खरिद प्रकरण र त्यतिकै परिणाममा घोटाला भएको भनिएको नेपाल वायु सेवा निगमको ‘वाईङबडी विमान’ खरिद प्रकरणमा कुनै वास्ता नदेखाउने अख्तियारले पिएन, खरदार र प्रहरी जवान माथि कारवाही गरेर सानालाई ऐन ठूलालाई चैनलाई चरितार्थ गरेको देखिन्छ । यसतर्फ नागरिक समाज पनि तै चूप मै चूपको अवस्थामा रहेको पाइन्छ भने क्रान्तिकारी भनिएको विप्लव माओवादी पनि टुलुटुलु हेरेर बसिदिएको देखिन्छ । किन ?
यसमा तपाइको मत
Social Buttons