राष्ट्रिय जनता पार्टी नेपालले वडा देखि केन्द्रसम्म गठन हुने सबै समितिहरु जातीय प्रतिनिधित्वका आधारमा निर्माण गर्ने गरी छलफलको सुरुवात गरेको छ । जातीय कलस्टरको आधारबाट पार्टीको सबै संरचना निर्माण हुन सकेमा पार्टी पूर्ण रुपमा समावेशी हुनेछ । यसरी जातीय कलस्टरबाट स्थानीय तहमा महाधिवेशन प्रतिनिधि छानिए केन्द्रमा पनि सोही अनुसार समावेशीको रुपमा प्रतिनिधित्व हुने राजपाको ठहर छ । २ नं. प्रदेशमा राजपाले चालेको यसप्रकारको कदमको बाँकी प्रदेशले पनि अनुशरण गरेमो २५० वर्षयता देखि आदिवासी÷जनजाति, दलित, उत्पीडित, मधेसी समुदाय लगायतले उठाउँदै आएको मुद्दामा टेवा पुग्ने छ ।
पुरानो राज्य सत्ताबाट पीडित समुदाय अझै पीडित नै छन् । उनीहरुले देखेको प्रादेशिक स्वायत्तताको सपना संघीय लोकतान्त्रि गणतन्त्रको घोषणा पश्चात पनि, सपनामै सिमित छन् । विभाजन नै विभाजनमा रहेर पनि तराईका सवालबारे मधेसी समुदाय एकमत छन् । आदिवासी÷जनजाति सवालमा संघर्षरत कथित जनजाति अगुवाहरुले मधेसी समुदायबाट पाठ लिई अगाडि बढ्नु पर्दछ ।
Social Buttons