उक्त ज्ञापन पत्रमा भनिएको छ– ‘आज यो दुनियामा बेलायतको जुन शान, प्रतिष्ठा, समृद्धि शक्ति छ त्यो गोर्खाजहरुको रगत पसिना र आसुको प्रतिफल हो यही कारण अन्तर्राष्ट्रिय समुदाय समक्ष गोर्खाहरुलाई गुण रहेको देखाउन साम्राज्यवादी ब्रिटेनले गोर्खाहरुलाई ‘बहादुरका पनि बहादुर’ उपमा दिएर गोर्खालाई विश्वमा चर्चित बनाएर हाम्रो सानो गरिब, र भुपरिवेष्ठित मुलुक नेपाललाई विश्वमा परिचित गरायो । तर मुखमा रामराम बगलीमा छुरा भनेझै व्यवहारमा चाही बेलायत सरकारले गोर्खाहरुलाई झण्डै झण्डै दासकै रुपमा उतार्यो । सघन, अथक र अविछिन्न गोर्खा आन्दोलनको कारण त्यस्तो घृणीत अवस्थाबाट नगन्य रुपमा सुधार आएपनि श्वेत बेलायती सेना र गोर्खा सैनिक बीच आज पनि पूर्ण रुपमा समानता कायम हुन भनेको आकाशके तारा झर्ला र तिपौलाको स्थितिबाट गुज्रिरहेको छ । पूर्व ब्रिटिश नेपाली जमातले अछुन्न रुपमा आन्दोलन गर्दै आएको करिब दुई दशक पुग्न लागिसकेको छ । यति लामो कालखण्डमा लण्डनको थेम्स् र नेपालको बागमती नदीको पुलमुनि धेरै पानी बगीसकेको छ तथापी सघन र अछुन्न गोर्खा आन्दोलनको कारण बेलायती सरकार गोर्खाजको जायज र न्यायोचित मागहरु पुरा गर्ने सवालमा टसमस भएको छैन । तर धेरै अन्तरालपछि बेलायत र नेपाल सरकार एवं भूपू गोर्खा प्रतिनिधि सम्मिलित प्राविधिक समितिले गोर्खा मुदाको अन्तिम दस्तावेज तयार पारेको छ । मार्च १४ बुधवार लण्डनस्थित नेपाली दूतावासमा भएको त्रिपक्षिय प्राविधिक समितिको पाँचौ चरणको वार्ताले पूर्व गोर्खा सेनाले उठाउँदै आएको मुद्दाको लिखित दस्तावेजलाई अन्तिम रुप दिएको लण्डनस्थित छहरा संवाददाताले बताएको छ । सो दस्तावेज मार्च २२ तारिख अर्थात् यही चैत ८ गतेका दिन बेलायती रक्षामन्त्रालयमा बुझाएका छन् । जसको बोधार्थ नेपाल सरकारलाई पनि पठाइएको छ । नेपाली दूतावासको तर्फबाट सरदराज आरण र बेलायती रक्षामन्त्रालयका डामियान् प्याटरसनले हस्ताक्षर गरेको दस्तावेजलाई कुन रुपमा लिने हो त्यसमै गोर्खाहरुको भविष्य निर्धारण हुने कुरा गेसो प्रतिनिधिले छहरालाई बताए ।
Social Buttons