हुँदाहुँदा सांसदहरुले सांसद सचिवालयका ल्यापटप समेत पच गर्ने काम गरेर मुलुककै बेइज्जत र जनताको भावना माथि कुठाराघात गरेका छन् । सांसद सचिवालयका तीन दर्जन भन्दा बढी ल्यापटप केही दिनको लागि भनि लगेको ल्यापटप पूर्व सभासद्हरुले सचिवालयमा नबुझाई पच पारेर गुन्द्रुकको झोलमा ज्यान फालेका छन् । सचिवालय स्रोतका अनुसार सभासद रहँदा सचिवालयले चलाउन मात्र दिएको ल्यापटप कार्यकाल सकिएको लामो समयसम्म पनि अर्थात यो हरफ लेख्दाको मिति सम्ममा पनि उनीहरुले फिर्ता गरेका छैनन् । यसरी ल्यापटप प चगर्ने सभासदको सूचीमा पहिलो संविधान सभाको निर्वाचित सभासदहरु पनि रहेका छन् । नियम र कानूनतः कार्यकाल सकिएको ७ दिनभित्र सांसद तथा संसदका पूर्व पदाधिकारीले सचिवालयबाट उपयोग गर्दै आएका सेवा सुविधा फिर्ता गर्नुपर्ने हुन्छ । संघीय संसदको पदाधिकारी तथा सदस्यहरुको पारिश्रमिक र सुविधा सम्बन्धि ऐनमा यस्तो व्यवस्था छ । सचिवालय स्टोरका प्रमुख विनोद कुमार मालिका अनुसार संसदको कार्यकाल सकिएपछि ल्यापटप लगायतका सामाग्रीहरु फिर्ता गर्न पटक पटक तागेता गरे पनि, कसैले पनि सामानहरु फिर्ता नगरेको कुरा थाहा भएको छ । पहिलो र दोस्रो संविधान सभाका ४० भन्दा बढी सदस्यहरुले आफुले लगेको ल्यापटप लगायतका सामान नबुझाई पच पारेको स्टोर प्रमुख मालीद्वाा थाहा हुन आएको छ । यस्ता गतिछाडा सभासदहरुमाथि अविलम्व कारवाही गर्नुपर्ने तर्फ आम धारणा रहेको छ ।
Social Buttons