Latest News

‘भानुभक्त आदिकवि होइनन्’

भानुभक्त आचार्य आदिकवि होइन । उनलाई त केवल दार्जिलिङका साहित्यकारहरुले श्री ३ जुद्ध शमसेरलाई भनसुन गरेर आदिकविको उपाधि दिलाएका हुन् । राणा प्रधानमन्त्रीलाई यसरी अनुरोध गरेर भानुभक्तलाई आदिकविको पगरी गुथाएको विषयलाई लिएर, आज त्यहाकै विद्वतवर्गले आफ्नो भूल स्वीकार गर्दैछन् ।
उक्त कुरो छहरा साप्ताहिकको एक प्रश्नको जवाफ दिनुहुँदै २०६९ साल वैशाख ११ गतेका दिन स्व.गुमान सि. चाम्लिङ्गले भन्नुभएको हो । १९४२, १२ मेका दिन टिष्टा बजार दार्जिलिङ्गमा जन्मनुभएका चाम्लिङ्ग नेपाली साहित्य जगतमा कुनै अपरिचित नाम हुँदै होइन । नर्थबंगाल यूनिभर्सिटिबाट राजनैतिकशास्त्रमा एम.ए.गर्नुभएका श्री चाम्लिङ्गले विद्यार्थी छँदानै साहित्य क्षेत्रमा उल्लेखनीय पुरस्कार तथा पदकहरु पाइसक्नु भएको थियो । बक्तृत्वमा मार्क एन्टोनीको रुपमा चिनिनुहुने श्री चाम्लिङ्गले विभिन्न महत्वपूर्ण ओहदामा रहि योगदान पुर्याइसक्नु भएको थियो । साहित्यको क्षेत्रमा दर्जनौं पुस्तकहरु प्रकाशित गर्नुभएका चाम्लिङ्गले सन् १९८० मा भारतको राष्ट्रिय साहित्य एकेडेमी पुरस्कार, नेपालबाट रत्न श्री स्वर्ण पदक, रेडियो नेपाल पुरस्कार र महानन्द पुरस्कार पाइसक्नु भएको थियो ।

२०२५ सालमा त्रिविविको भानुजयन्ती समारोह सभामा भानुभक्त आदिकवि होइनन् भनेर स्व.गुमान सिंह चाम्लिङ्गले भन्नुभएपछि सो बेला नेपाली विद्वतवर्ग २ भागमा विभाजित हुन पुगेका थिए । एक समूहले यसको पूर्ण समर्थन गरेको थियो भने, अर्काे समूह तै चुप, मै चुपको शैलीमा उभिएका थिए । केहीले भने मौखिक रुपमा यसको बद्ख्याँई गर्दै पनि हिडेका थिए ।
« PREV
NEXT »

यसमा तपाइको मत