Latest News

कांग्रेस नेता नै ठगी काण्डमा

काठमाडौं । निमुखा गरिब नेपालीहरुलाई विदेश पठाउने बहानामा दलालहरुले ठगी गरेका घट्ना नेपाली समाजको लागि कुनै नौलो होइन । अरु त के यस प्रकरणमा राजनैतिक दलका नेता देखि कार्यकर्ताहरु पनि कम छैनन् । उदाहरणको लागि देशको ठूलो दल कांग्रे महासमिति सदस्य ऋषिकेशजंग शाहले पनि अमेरिका र जापान, क्यानडालगायत देशमा पठाइदिन्छु भनि सर्वसाधारणलाई ठगी गरेको पाइएपछि प्रहरीले शाहलाई पक्राउ गरेको जानकारीमा आएको छ । उनी लगायत चार जनालाई पक्राउ गरेको महानगरीय अपराध महाशाखाले जनाएको छ ।
शाह विरुद्ध एक करोड ८६ लाख रुपैया ठगी गरेको आरोप छ । प्रहरीले शाहसहित रक्षा वैद, सुनिल प्रजापति र महेश्वर रावतलाई पक्राउ गरेको जनाएको छ । नेवि संघका पूर्व केन्द्रीय उपाध्यक्ष समेत रहेका ऋषिकेशजंग शाहलाई जसरी पनि जोगाउन कांग्रेस पार्टी भित्र बहस चलिरहेको थाहा हुन आएको छ ।

ठगहरुले राजनैतिक आवरणमा ठगी गर्ने कुरा त ऋषिकेशजंग शाह प्रकरणले नै पुष्टि गर्दछ । त्यस बाहेक अन्य उपायहरु रचि ठगी गर्ने गरेको कुरा छहरालाई प्राप्त एक मनगढन्ते विज्ञापन उपलब्ध भएको छ । प्रस्तुत विज्ञापन झुट्टा केवल ठगी गर्ने उद्देश्यले मात्र प्रकाशित गरेको हुन सक्छ । यसप्रति सबै सजग रहनु पर्ने त छँदैछ यस्ताहरुलाई आवश्यक छानबीन गरि झुट्टा ठहरे कानूनी कारवाही गर्नुपर्ने त्यतिकै आवश्यक छ । सामाजिक सञ्जालमा प्रस्तुत विज्ञापन हेर्दा विश्वास  गर्ने आधार छैन । यसप्रकारको विज्ञापन प्रकाशित गर्दा समेत सम्बन्धित निकाय किन चूप छ ? प्रश्न उठ्नु अस्वभाविक होइन ।
« PREV
NEXT »

यसमा तपाइको मत